УВАГА! АКЦЫЯ "Лісты да Цёткі з ХХІ стагоддзя"
Гродзенскае абласное аддзяленне грамадскага аб'яднання "Саюз пісьменнікаў Беларусі" абвясціла грамадска-літаратурную акцыю, прымеркаваную да 145-й гадавіны з дня нараджэння класіка айчыннай літаратуры, беларускай паэтэсы Цёткі (Алаізы Пашкевіч) пад назвай "Лісты да Цёткі з ХХІ стагоддзя". Мэта акцыі - прыцягнуць увагу моладзі да нацыянальнай культурнай спадчыны як да сродку патрыятычнага выхавання, інтэлектуальнага і духоўнага развіцця.
"Лісты да Цёткі з ХХІ стагоддзя"
Да ўдзелу ў акцыі прымаюцца апублікаваныя відэаролікі працягласцю да 5 хвілін. Узрост аўтараў не абмежаваны.
Зместам відэаролікаў могуць быць: буктрэйлеры, выступленні чытальнікаў, натхнёныя разважанні.
Ідэя, якая павінна аб'ядноўваць выступленні ўдзельнікаў акцыі, - сувязь часоў праз творчасць Цёткі, яе вобраз у мінулым і ў сучасным свеце. Спасылкі на апублікаваныя відэа з паметкай "Лісты да Цёткі з ХХІ стагоддзя" і з указаннем свайго імя, прозвішча, месца пражывання і роду заняткаў, калі ласка, дасылайце на адрас электроннай пошты Гродзенскага абласнога аддзялення Саюза пісьменнікаў Беларусі: postmaster@pisateli.by
Акцыя працягнецца да дня памяці беларускай паэтэсы са Шчучыншчыны 5 лютага 2022 года.
