З днём настаўніка!
Шаноўныя настаўнікі!
Прафесійнае свята – добрая нагода выказаць вам шчырыя словы падзякі і павагі за вашу значную і каштоўную працу. Бо кожны з вас аддае мноства сіл такой вялікай справе, як выхаванне падрастаючага пакалення. Вы дапамагаеце дзецям не толькі атрымліваць веды, але развівацца, адкрываць новыя неверагодныя таленты і шукаць свой шлях у жыцці. Вялікі дзякуй вам за гэта!
Адміністрацыя СШ № 2 ад усяго сэрца віншуе вас з Днём настаўніка!
Жадаем вам удзячных і таленавітых вучняў, аптымізму, жыццяздольнасці, моцнага здароўя і поспехаў у кожным пачынанні.
Настаўніку
На роспач не маеш права,
Хаваеш слабасць і стому.
Твая нялёгкая справа -
Жыццё адкрываць другому.
Любові навучыць адданай
Да роднай пявучай мовы,
Што з песні жытоў саткана,
Са звону гусляў вясновых.
Любові да роднага краю,
Да песень і казак матулі,
Сівых курганоў ля гаю,
Дзе мудрыя продкі паснулі.
У працы не маеш права:
на роспач,
на слабасць,
на стому.
Твая пачэсная справа -
Жыццё адкрываць другому.
Алена Руцкая
