Пазакласнае мерапрыемства "Мова краіны маёй"
21 лютага па ініцыятыве ЮНЕСКА ва ўсім свеце адзначаецца Міжнародны дзень роднай мовы. Наша школа не выключэнне. Мы далучаемся да сусветнага свята і шчыра віншуем ўсіх нераўнадушных беларусаў з гэтым цудоўным днём.
фота: https://skidel2.schools.by/photoalbum/749602
У рамках "Тыдня беларускай мовы і літаратуры" сёння ў нашай школе прайшло ўрачыстае мерапрыемства "Мова краіны маёй" для вучняў 5 - 6 класаў. У форме гульні "Што? Дзе? Калі?" вучні здзейснілі падарожжа па краіне ведаў. Дапамогу меншым дзецям аказвалі старшакласнікі, якія таксама выступілі ў ролі журы. Вучні выконвалі цікавыя заданні, папрацавалі і карэктарамі, і мовазнаўцамі, і фалькларыстамі, паслухалі беларускія песні і вершы беларускіх класікаў. Асабліва ўдзельнікам спадабалася заданне "Фанты", дзе неабходна было адгадаць слова па-беларуску. Вясёлая і шчырая атмасфера нікога не пакінула раўнадушным. Усім удзельнікам і гасцям шчыры дзякуй! Са святам
